Paj Cawv Vwj yog ib leej zoo tub los ntawm Nchaiv Pov Vwj thiab Mos Vaj. Paj Cawv muaj 3 leej kwv tij (Txooj Zeb, Nyiaj Puab, thiab Naim), thiab muaj 3 leej muam (Kiab, (Xyo thiab Maiv Tsu-tau tag sim neej lawm)
Paj Cawv yug lub 02/04/1949 nyob zos Thas Mwv , Nplog teb. Xyoo 1969, Paj Cawv thiab Ntsuab Vaj sib sau ua neej nyob lub zos Huab Nas Thes, Nplog teb. Xyoo 1979, Paj Cawv nrog nws poj niam thiab me nyuam tau khiav tawm teb chaws Nplog tuaj Thaib teb tuaj nyob hauv zos Vib Nais. Xyoo 1980, Paj Cawv coj nws tsev neeg tuaj rau America (usa) nyob rau hauv Rhode Islande.
Paj Cawv thiab Ntsuab yug muaj 4 leej tub (Ntxhuav, Luav, Koob, thiab Xyoob) thiab muaj 3 leej ntxhais (Kab, Npauj, thiab Maiv Ntxawm). Nkawv muaj 22 leej tub ntxhais xeeb ntxwv.
Kawg no, Paj Cawv tau tag sim neej nyob hauv Tampa, Florida lub 11/5/2015. Nws hnub nyoog muaj 66 xyoo.
