Sue Vang

Ntxhi Vaj yug lub 5 hli ntuj hnub tim 15 xyoo 1924 nyob lub zos roob Xam Leej. Ntxhi niam hu ua Suav Xyooj, txiv hu ua Suav Lwm Vaj. Ntxhi niam thiab txiv yug tau 4 tug ntxhais 2 tug tub. Ob tug tub tag sim neej thaum yau lawm. Ntxhi yog tus hlob tag nrho ntawm 4 tug ntxhais. Nyob lub zos Phus Loos Loj, Ntxhi mus yuav txiv xyoo 1942. Nws tus txiv yog Tshuas Ntxaij Yaj nyob lub zos Thas Luv (Ntug Moos Nyaj). Tshuas Ntxaij thiab Niam Tshuas Ntxaij yug tau 4 tug tub. Tus hlob tag sim neej thaum yau lawm. Tshuav 3 tug tub lawm xwb. Xyoo 1965 Tshuas Ntxaij tau tag sim neej rau lu sij hawm ua rog nyab lab. Lub sij hawm ntawd nws tus tub hlob muaj 7 xyoo, tus tub hlob Vam Neeb Yaj yug tau 6 tug tub 4 tug ntxhais. Tus nrab Nom Yeeb Yaj ncawv yug tau 4 tug tub 2 tug ntxhais. Tus tub ntxawg muaj cuab muaj yig lawm, tiab sis tsis tau mus hais. Tag nrho nws cov xeeb ntxwv muaj 22 leeg. Niam Tshuas Ntxaij yog ib tug niam siab zoo, hlub nws cov menyuam tshaj luag lwm tus. “Ntuj teb tag hmo, nws tsim deev nruab dab ntub nws cev tes phlws nws 3 tug tub taub hau seb puas muaj mob.” Thaum me mus txog rau cov tub txawj mus kawm ntawv, nws tseem ntshai tsam nws peb tug tub tsis nrog luag txawj ntawv. Nws tso tag nrho nws 3 tus tub mus kawm ntawv es nws ib leeg mus khwv los rau nws peb tug tub noj thiab hnav. Thaum nws muab nyab rau nws cov tub tag lawm, nws tseem zov thiab tu nws cov tub xeeb ntxwv thiab ntxhais xeeb ntxwv loj hlob tiav niam thiab txiv tag. Tsis tag li no nws tseem zov nws cov xeeb ntxwv cov tub cov ntxhais los txog rau hnub nws zov tsis taus thiab muaj mob lawm.