Nei Lam Niang

Tonzang Myone, Mualpi khua a teng Pa Thang Suan le Pi Ciang Dim te ta pa thum (3) le tanu thum (3) lak pan a li(4) na hi a, December 23, 1959 in suak hi. A pasal Pa Suan Do Thang tawh 1982 kum in ki teng in tanu guk (6) le tapa khat (1) nei uh hi. Tu laitak in Pasian in tupa nga (5) le tunu li (4) pia hi.

A pianthak a ki pan in upna tawh nung ta in piakkhiatna, antan thungetna, Pasian phatna te nuam sa mahmah in Lai Siangtho zong tampi lot ngah hi. Lai Siangtho a deih tampi te lak ah khat in KAH LA 3:21-23

21 Ahi zongin ka phawk giugiau thu khat in lametna khat hong nei theisak hi. 22 A bei thei lo Topa’ hong itna le a hehpihna a kizom paisuak hi a, 23 zing nisuak bangin thaksuak tawntung a, ni a hong suah pelmawh mah tawh a kibang ahi hi.

Lungdam kohna

-Ka nu uh kum 65 dong nuntakna hong kawm Pasian tung

-AZMC pawlpi upa makai leh mi mal khempeuh tung

-Zomi Innkuan Houston makai te le mimal kim tung

-States tuamtuam pan hong pai a hong veh, leh hong gal aa hong pai sanggam u le naute tung

-Thungetna, tha le ngal, sum le paai tawh hong veh hong pha, lung hi mawh a lai hong khak phone hong sam te khempeuh tung

Kei ma min hang in tui vot hai khat a suah te na ngawn thaman ngah lo in om lo ding hi (Matthew 10:42) a cih mah bang in Topa in thaman a kicing in hong pia kim ciat ta hen. Amen!

A viewing for Nei will be held Saturday, April 19, 2025 from 3:00 PM to 7:00 PM at the main chapel of Garden Oaks Funeral Home, 13430 Bellaire Blvd, Houston, TX 77083. A funeral service will occur Monday, April 21, 2025 from 12:00 PM to 2:30 PM, 13430 Bellaire Blvd, Houston, Texas 77083. A committal service will occur Monday, April 21, 2025 at 3:00 PM at Forest Park Southwest Cemetery, 9040 FM359, Richmond, Texas 77406.