A video slide show of Andrew, as played in his funeral service.  

https://www.youtube.com/watch?v=tYpU8T_NWyw

今日，我哋懷住思念同感恩嘅心，一齊追憶我哋敬愛嘅爸爸。佢嘅一生，係一段由澳門去到香港，再去到加拿大嘅旅程；係一段由勤奮拼搏到安享晚年嘅歲月；更加係一段充滿熱情、愛同信靠嘅生命見證。
爸爸喺澳門出世、長大，讀完中學之後，就一個人嚟咗香港搵食。最初，佢喺影樓做嘢，生活雖然辛苦，但就練到佢好堅毅嘅意志。後來，佢遇到一個事業嘅轉機，加入咗當時嘅遠東銀行，做咗櫃位職員。亦都係喺呢個崗位度，佢遇到咗生命入面最重要嘅人——我哋嘅媽媽。嗰陣時媽媽成日去銀行幫公司入數，兩個人嘅緣份就係咁開始，相知相守一生。
隨住遠東銀行俾萬國寶通銀行收購咗，爸爸憑住佢嘅勤奮同才幹，一步步升咗做銀行經理，負責八十年代好熾熱嘅樓宇按揭業務。
爸爸嘅一生，唔單止係奮鬥嘅一生，更加係充滿熱情同愛嘅一生。佢最鍾意影相，而鏡頭下面永恆嘅主角，就係我哋靚靚嘅媽媽。佢用相機幫媽媽影咗無數珍貴嘅相。而每逢聖誕節，佢總係鍾意帶我哋去尖東，影聖誕燈飾同夜景，幫我哋留低好多美麗嘅回憶。爸爸除咗鍾意影相之外，仲好鍾意養魚同音響。所以我哋細個嗰陣嘅屋企，總係有大大細細嘅魚缸同喇叭。
喺屋企，爸爸都鍾意落廚，整好多好味嘢俾我哋食，印象最深刻係:美極煎牛扒、鮑魚 火腿 魚翅 雞湯，同埋味道好鮮甜嘅蟹蒸肉餅，嗰啲味道，到而家仲留喺我哋嘅記憶入面。
除咗美食，我哋仲記得細個嗰陣佢成日帶我哋去西貢半月灣游水、浮潛，享受陽光同沙灘。每逢過年，又會帶我哋返澳門，同爺爺嫲嫲拜年，放煙花、燒炮仗。佢為人好客，鍾意熱鬧，都鍾意同親戚圍埋一齊打麻雀。
退休之後，佢同媽媽移居加拿大Edmonton，照顧嫲嫲。因為有兩個uncle都住喺嗰度，所以爸爸嗰段時間享受咗一段同屋企人相處嘅悠閒時光。佢哋喺Edmonton嗰陣，都開始穩定咁返教會，認識咗好多好好嘅弟兄姊妹。2008年，佢哋返咗香港，住咗九年之後，最終揀咗喺溫哥華安度晚年。喺加拿大嘅日子，退休生活恬靜又安逸，佢最享受嘅，係同媽媽喺商場慢慢行街，靜靜哋飲杯咖啡；或者一齊搭車去白石鎮吹吓海風，又或者喺秋天去睇三文魚回流嘅生命奇蹟。佢最鍾意去試唔同嘅美食，就算COVID嘅時候我哋都去買點心到郊外野餐。
喺人生嘅旅途上面，爸爸最大嘅依靠同力量，嚟自佢對上帝嘅信仰。佢同媽媽嚟到Surrey之後，就一直返素理華人浸信會，認識咗蘇牧師同另一班好好嘅弟兄姊妹。佢哋喺信仰嘅道路上面互相扶持，彼此關愛，爸爸同佢哋嘅關係都非常好。佢成日話俾我哋聽，佢深信神嘅供應同保守。
雖然爸媽冇揸車，但每個禮拜仲係恆常自己搭巴士去參加教會聚會。直至兩年前爸爸病咗，因為行動開始唔方便，佢哋就冇再實體返教會聚會，改為網上聚會。雖然爸媽未能夠返教會，但弟兄姊妹仲係不斷關心佢哋，成日打電話問候，仲會嚟探訪。爸媽有呢班弟兄姊妹同佢哋一齊同行，真係好感恩。
爸爸曾經親手寫低以下呢段感言，呢個都係佢一生嘅總結同見證：
佢咁話 :「不要忘記，上帝是你人生旅程中的同行者，跋涉人生旅程，基督導我前行，誠信部主腳步，何憂跋涉艱辛！世人看重速成，上帝看重你一生之久的信靠。」
呢段說話，係爸爸信心嘅宣告，亦都係佢留俾我哋最寶貴嘅屬靈產業。
爸爸，您嘅一生，勤勞、簡樸、充滿愛。您愛我哋嘅媽媽，愛呢個家，亦都愛生命入面嘅一切美好。今日，您喺世上嘅勞苦已經歇息，息咗塵世嘅重擔，安息主懷。我哋相信，呢個唔係終結，而係喺天家永恆嘅開始。我哋對您嘅思念永不止息，但我哋心入面有平安，因為知道有一日，我哋將會喺天家再聚。
願您喺主裡面得享安息。阿們。

So sorry to hear of Brother Andrew’s sudden passing. His kindness and thoughtfulness will always be remembered and cherished. 

May God bless him. My thoughts and prayers are with his family. 

Bofa Lam

伯伯你在天父懷抱中，進入永恒。我們今天暫別，相信那一天， 我們會在新耶路撒冷見面。

May the Lord be your source of comfort and solace in this difficult time.  Will remember you in our prayers.
His love and blessings be with you and your family, always.

Vincent  &  Lisa Siu

OBITUARIO

Pak Kun "Andrew" Wong

14 junio, 1944 – 15 junio, 2025

First Memorial Funeral Services Fraser Heights Chapel

Muestre su apoyo

Comparta Un Recuerdo

Comparta
Un Obituario

Obtenga actualizaciones

Servicios