Ah Vang

Ab Vaaj yug lub 6/16/1932 ntawm lub zog Laavxij, Moos Kaxig, Xeev Luang Prabang. Tau tso nplajteb tseg lub 2/11/2014 nyob huv lub nroog Kansas City, Kansas. Nwg Txiv hu ua Txooj Neeb Vaaj, nwg nam lub npe ces peb tsis paub lawm. Ab Vaaj yuav peb tug quasyawg le nraag nuav:

Tug ib yog Txwj Ntxawg Hawj, tag simneej xyoo 1966 nyob tebchaws Lostsuas. Ob tug muaj 2 tug tub uake hab tug #3 yog nam yau tug le nraag nuav: 1. Tsaav Neeb Hawj – Milwaukee, WI (33 Leeg), 2. Ntxoov Khais Hawj – tebchaus Australia (20 Leeg), 3. Nom Thaiv Hawj – Owasso, OK (12 Leeg).

Tug ob yog Ntsuab Pov Xyooj, tag simneej xyoo 1971 nyob Lostsuas teb. Ob tug tsis muaj mivnyuas uake, tabsis muah 3 tug step-sons hab 4 tug step-daughters: 1. Paaj Maab Xyooj – KC, KS (22 Leeg), 2. Ntxoo Ceeb Xyooj – Fond du Lac, WI (14 Leeg), 3.Ntsum Rwg Xyooj – Oshkosh, WI (12 Leeg), 4. Zaag/Vauv Foom Muas – Tebchaws Lostsuas (3 Leeg), 5. Mog/Vauv Ntsum Xwm Vaaj – Fond du Lac, WI (9 Leeg), 6. Maiv/Vauv Tsaav Teev Lis – (9 Leeg) tag simneej lawm, 7. Sua/Vauv Clark – North Carolina – (5 Leeg)

Tug peb yog Ntxoov Tuam Xyooj, tag simneej xyoo 1990 nyob Kansas City, KS. Ob tug tsis muaj mivnyuas uake le, tabsis muaj 3 tug step-sons hab 2 tug step-daughters le nraag nuav. 1. Ntsuab Txos Xyooj – Stilwell, KS (14 Leeg), 2. Txooj Npawv Xyooj – KC, KS (4 Leeg), 3. Kub Xyooj – KC, KS (single), 4. Maiv/Vauv Nom Lis Yaaj – Fresno, CA (18 Leeg), 5. Zaag/Vauv Zoov Choj Hawj – KC, KS (26 Leeg)

Nam cov tub, cov ntxhais, cov vauv hab cov xeebntxwv taagnrho yog muaj 202 leej.

Xyoo 1979 Ntsuab Txos Xyooj tau tog nwg txiv Ntxoov Tuam hab nwg nam Ab Vaaj nrug rua cov kwv hab muam tuaj rua tebchaws Meskas nuav. Puab tuaj poob rua lub nroog Kansas City, KS nuav hab tuaj nyob rua tim South Mills, tom qaab ntawd tau ntshais chaw moog nyob rua South 35th.

Tom qaab puab txiv Ntxoov Tuam Xyooj tau tag simneej tua xyoo 1990 nam tau rov moog nrug tug tub Paaj Maab Xyooj nyob ib ntus. Tom qaab ntawd nwg tau moog nyob nwg ib leeg ntawm 42 South 13th St., KCKS. Nyob txug nub kws nwg muaj mob txhaj tau moog nrug tug tub Txooj Npawv Xyooj nyob. Xyoo 2003 nam kuj muaj mob stroke hab tau coj nwg moog nyob tom lub tsev Medical Lodge taw 10 lub xyoos txug nub kws tau tso nplajteb tseg.

Ab Vaaj yogi b leej nam kws nquag hab nyam cog zaub tsumlom ncig naaj ncig tsev.

Ab lug txais yuav Tswv Yexus lug ua nwg tug Tswv Cawmseej. Nwg nquag moog koom pawgntseeg hab cov namtsev pehawm Vaajtswv. Nwg yogi b tug nyam nrug pawgntseeg paab Choir hunkauj qhuas Vaajtswv. Nwg yooj ua le ntawd txug nub kws nwg muaj mob nwg txhaj tsi ua lawm xwb.

Ua Vaajtswv tsaug kws Vaajtswv tau pub peb nam lug nyob huv nplajteb nuav tau 81 lub xyoos hab lug ua peb suavdlawg nam.

Nam, koj nyob lub nplajteb nuav mas txomnyem kawg le. Nub nuav koj dlim plawg txuj kev txomnyem lawm. Thov koj moog zoo hab peb yuav ncu koj heev os.