Pao Xiong

Pov (Yeej Huam) Xyooj yug lub 4 / 5 / 1967 nws muaj 51 xyoo Yeej Huam yug nyob lub zos oob twb,toj xeem Pham Npauj moos khas kawj, xeev Khmamouane teb chaw los tsuas. Yeej Huam txiv yug Yeej Huam hu ua txiaj Kuam Xyooj Yeej Huam niam hu ua Mos Vwj. Xyoo 1976 Yeej Huam txiv Txiaj Kuam tau tas sim neej lawm thiaj muab Yeej Huam Niam txis rau tus kwv hu ua Yis, lub npe tam sim no hu ua Neej Yis, Yeej Huam txiv tshiab yog Neej Yis Xyooj Yeej Huam txiv txiaj Kuam thiab Yeej Huam niam yug tau lawv 5 leeg kwv tij Yeej Huam yog tus tub hlob. Ho Yeej huam txiv Neej Yis thiab Yeej Huam niam yug tau 1 tug ntxhais, lawv muaj 6 leej nus muag xws li 1. Yeej Huam Xyooj, 2. Yis Xyooj (nws tau tas sim neej thaum me me lawm). 3. Muaj Koob Xyooj (nyob North Carolina, USA), 4. Neeb Xyooj (nyob North Carolina U.S.A), 5. Ab Kaus Xyooj (nws tas sim neej thaum me me lawm), 6. Ka Zuag Xyooj (niam Vaj Tsuas) tus yawm yij yog Vaj Tsuas Tswb (nyob California U.S.A)Xyoo 1977lub 8 Yeej Huam Txiv Neej Yis tau coj lawv khiav tuaj rau thaib teb tuaj nyob rau Yeej thoj Nam Vinai. xyoo 1980 Yeej Huam lawv thiaj tuaj rau as mes kas (America) lawv tuaj poob rau lub nroog Spokane Washington. Xyoo 1988 Yeej Huam lawv thiaj tsiv los nrog cov kwv tij nyob rau California. Yeej Huam kuj los ntsib nws tus txij nkawm uas nws hlub hu ua Maiv Vaj xyoo 1991 Yeej Huam thiaj tau yuav poj niam. nkawd txoj kev txij nkawm thaum hnub sib yuav los txog rau hnub no muaj 26 lub xyoo nkawd ua lub neej sib hlub nkawd muaj 8 leej me nyuam 3 leeg tub 5 leeg ntxhais xws li 1. Angelia Xia Xiong (daughter), 2. Samantha Chee Xiong (daughter), 3. Debbie Xue Xiong (daughter), 4. Jimmy Xiong (son), 5. Jacob Xiong (son), 6. Lucy Pa Der Xiong (daughter), 7. Chaideo Xiong (son), 8. Ella Pazeng Xiong (daughter). Yeej Huam tau kawm tiav 2 xyoo Associate in Arts Liberal Arts thiab Associate in Arts social and Behabioral Science. Yeej Huam nws muaj lub siab dawb siab zoo hlub thiab nyiam pab tib neej. Xyoo1988-1999 Yeej Huam ua teacher Aids rau Elementary thiab middle School nyob rau Oroville, CA. Xyoo1999-2003 Yeej Huam kuj tau txoj hauj lwm pab cov neeg muaj kev nyuaj siab, thiab tej tub ki thiab niam txiv tsis muaj kev haum xeeb kom lawv nrov muaj kev sib haum xeeb. Xyoo 1999 cov kwv tij sib tham tsim tsa ib lub koom haum Xyooj P.H.D los pab txhawb cov tub ntxhais kawm ntawv cov kwv tij sawv daws pom zoo kom Yeej Huam los ua tus thawj tswj yog no xyoo 1999- 2003 nws thiaj tau los ua tus thawj tswj tuav XYOOJ P.H.D. Xyoo2003 Yeej Huam tau muaj mob Yeej Huam tsev neej thiaj tau tsiv los mus nrog nws niam thiab 2 tug kwv nyob rau North Carolina. lub 1 / 12 / 2018 Yeej Huam tau mob hnyav nws thiaj tau mus pw rau lub tsev kho mob Frye Regional Medical Center los cov kws kho mob kuj pab tsis tau Yeej Huam, yogm li lub 1 / 20 / 2018 sij hawm 8:30PM Yeej Huam thiaj tau tas txoj sia cia cov niam tub thiab cov kwv tij sawv daws tseg lawm.

Yeej Huam tau ncaim cov niam tub thiab Yeej Huam niam thiab txiv cov kwv, cov muam yawm yij thiab tsoom kwv tij neej tsa sawv daws mus zaum no yuav ncaim mus ib txhis tsis muaj hnub sib pom li lawm qhov peb cov nyob yuav pom Yeej Huam ces yog npau suav lawm xwb.

Yeej Huam ua tau ntau yam muaj nuj nqis tseg peb yuav tsis muaj hnub nov qab nws tej txiaj ntsim thiab yuav nco ntsoov tus neeg siab dawb siab zoo li Yeej Huam mus ib txhis tsi muaj hnub ploj.