Ying Thao

Peb niam yog Yeeb xeem Thoj. Nws yug lub 5 hlis ntuj hnub tim 5 xyoo 1939 nyob lub zos Pab Qhas nroog Xas Neum xeev Huam Phas. Nws txiv hu ua Nkias Muas Thoj thiab niam hu ua Ntxhoo Tsab. Niam thiab txiv yug tau 5 leeg menyuam. 2 tus tub thiab 3 tus ntxhais. Nws yog nws niam thiab txiv tus ntxhais hlob. Txoj hmoo tsis muaj 1 tus nus thiab 1 tus niam hluas tau nruam sim lawm. Lub sij hawm no tshuav peb niam ib tus nus (Vam Tsab Thoj, nyob Minnesota) nrog rau ib tus niam hluas (Xis, nyob Wisconsin).

Lub sij hawm dhau mus peb niam tau los ua lub neej nrog peb txiv Thoob Lis Muas. Niam thiab txiv tau los sib sau ua lub neej muaj 5 tus menyuam. 2 tus tub 3 tus ntxhais (Nplias, Ntxhi, Ntsuab). Txoj hmoo tsis muaj 2 tus tub tau tag sim neej lawm tshuav 3 tus ntxhais. Tom qab ntawd txoj hmoo tsis zoo peb txiv tau mus tas sim neej rau hauv lub nroog Nas Qhas lawm.

Peb niam yog ib leej niam zoo. Txawm tsis muaj peb txiv lawm los peb niam tsis mus npaj lub neej tshiab nws txiav txim siab hlub nws 3 tus ntxhais. Nws ua siab coj nws 3 tus ntxhais mus raws kwv raws tij nrog tej neej tsa nyob. Tom qab lub teb chaws tsis zoo peb niam tau coj nws cov menyuam khiav ib lub teb chaws rau ib lub teb chaws. Tom qab ntawd peb niam tau coj nws cov ntxhais tuaj txog rau teb chaw meskas no xyoo 1980 lub 4 hlis tim 1 (Missoula, MT)

1983 peb niam tau mus nrog tus ntxhais Ntxhi thiab vauv Lis Xyooj nyob Spokane, WA. Txoj hmoo tsis muaj tus vauv tau tas sim neej lawm tshuav peb niam nrog rau tus ntxhais cov niam tub nyob txog hnub tau ncaim lub ntiaj teb no.

Lub sij hawm no peb niam muaj 3 tus ntxhais thiab 2 tus vauv, 36 tus xeeb ntxwv (13 grandchildren and 23 great grandchildren).

Peb niam nws muaj 86 xyoo. Nws laus lawm thiab muaj muaj mob nws thiaj li tau tso peb cov ntxhais vauv, tej xeeb ntxwv nrog rau nws ib tsoom kwv tij neej tsa sawv daws tseg rau hnub tim 25 lub 12 hlis xyoo 2025 thaum sij hawm 3:53 pm nyob rau Spokane, WA.