Xia Vue

( Txiv Npe= Tooj Leej Vwj ) ( Niam npe= Nplias Vaj )

Kuv niam yug nyob lub zos Npab Noom xyoo 1928 lub 6 hli tim 25 ( teb chaws los tsuas ). Kuv txiv tau mus qaws kuv niam hauv npab noom los ua neej nyob lub zos pham laib. dhau ntawv los nkawv kuj yug muaj tub muaj kiv 11 leeg yog niam cov ho ntxiv niam you 1 tug tas nrho muaj 12 leeg. Tiam sis txoj hmoov tsis pab muaj 5 tug kuj tsis nyob yav ntuj thaud lawm ces tshuav 7 leej nyob xws li nram no.

***Cov tub tseem nyob muaj 3 leeg

1. Vam neeb vaj tsev neeg tag nrho muaj 8 leeg

2. Npuag yeej vaj tsev neeg 11 tus me nyuam thiab xeeb ntxhwv muaj 23 leeg

3. Chaiv kos vaj tsev neeg muaj 8 leeg

4. Xyooj neeb vaj tsev neeg muaj 5 leeg nyob nplog teb

*** Cov muam tseem nyob tshuav 3 leeg

1. Maiv mim ( niam tooj ntxawg vwj ) 11 leeg

2. Hku vaj ( zam xyooj muas ) 9 leeg

3. Ntxawm vaj (tooj ncha xyooj ) 9 leeg

Tag nrho tub nyab me nyuam thiab xeeb ntxwv muaj 76 leej tseem nyob tas nrho

Kuv niam, koj yog ib leej niam zoo rau peb sawv daws lub neej tiam no. Hnub no yog hnub koj yuav mus ua koj lub neej tshiab. yog li ntawv, koj yuav tseg tag nrho koj tej tub ki rov tom qab xws li, nthwv cua ntsawj dhau ib vuag tsis rov. Kuv niam, ntshe zaum no yuav tsis zoo li txhua zaus koj mus ua qhua, thaum txog lub caij lub nyoog koj rov los tsev. es peb tej txiv tub, me nyuam tuaj tos koj ntawm tshav dav hlau es yuav pom koj yog peb niam phoj nuag tawm los. tus hlob tus yau yuav dhia mus qawm koj, xav tau lawm tias zaum ntawv ces yog ib qho chaw tshua los yog zaj dab neeg tseg rau peb lawm xwb. zaum no yog koj tej tub ki yuav tsis nrog lub teb lub chaw muaj niam muaj txiv nyob qab ntuj no lawm.thiab lub npe niam tsis nrog luag muaj hu lawm tsis yog dag li. txij hnub no hnov luag hu lub npe niam los yus tu siab tias, cas luag yuav muaj niam, hos tub ntsuag niam thiab txiv mus nyob sab ntuj lawm. kuv niam,koj nyob qhov twg cas yuav tseg tub ntsuag ris txoj kev nco niam nco txiv nyob hauv lub ntiaj teb.kuv niam, puas muaj ib hnub kuv yuav tau pw hauv kuv txiv neb lub xub ntiag lawm. puas yuav muaj ib hnub kuv rov pom neb cev tes los plhws kuv taub hau li sij hawm dhau los ntawd ntxiv lawm os kuv niam thiab txiv. puas tshuav tiam twg seem pub rau peb sib ntsib sib pom li lub sij hawm peb tau nyob dhau mus ntawm 46 lub xyoo. kuv muaj txoj hmoov zoo tau los xeeb yog ib leej tub ntawm neb lub neej txoj kev ntshaw.xav tias, txij no tom ntej ntshe neb yuav mus thawj dua thiab yog luag lwm leej lwm tus niam thiab txiv lawm. kuv niam, thiab txiv thov rov ua npau suav qhia tub ntsuag saib thaum twg mam rov tau los ua niam tub txiv tub dua ib zaug ntxiv thiab mas kuv niam thiab kuv txiv. kheev lam muaj leej twg paub ho paub qhov chaw uas neb mus nyob ntawv ntshe neb me tub ntsuag yuav xa moo, sau ntawv tuaj ib hnub 100 zaus los yeej tsis qaug lub zog li. los yog deb npaum li cas los kuv yuav mus kom pom thiab ntsib xwb thiaj tag. tiam sis tej laus ib txwm piv txoj lug tias, yog toj roob hauv pes quas xwb ces, ib hnub twg zoo sij hawm txog caij lub nyoog yuav rov sib ntsib sib pom. tiam sis, xav tau lawm tias!!! zaum no ntshe yuav tsis yog li zaum uas twb tau ntsib thiab pom dhau ntawd lawm. zaum no ces av luaj dub luaj dag quas lawm ces yuav tag nrho ib tshiab ib txhis, thiab yuav yog zaum qhia tau tias zaum dag lawm xwb. ntshe yuav tsis ntsib yus niam ib zaug nyob lub ntiaj teb no ntxiv. txij hnub no mus yuav pom niam ces yog npau suav tseem tseeb dua. hos yav tag dhau ntawv ces tsuas yog khaws tau tseg hauv lub zeem muag tias, yus niam tus yeeb yam, lub ntsej muag zoo li cas, lub suab lus nrov li cas. ntshe tshuav qhov tias, yog muaj ib hnub twg, yus tawm rooj pom luag tej muaj lub npe, hu li yus niam lub npe los, qhov ntawv qhia rau yus tias, lub npe xwb tus neeg tsis zoo li yus niam lawm. qhov nov qhia tias kom yus ua ib siab txhob tos tsis los lawm os me tub ntsuag nos aw!!! ris siab hlo nco ntsoov tsis nrog luag muaj niam muaj txiv lawm os mog. kuv niam, peb txoj kev niam tub tiam no thov ua tsaug rau lub sij hawm koj tau tu peb hlub peb thaum pib txog sij hawm thaum xaus uas koj tau sawv kev tsees mus yam tsis paub tias koj tau tso ib pab me nyuam ntsuag tseg tsis muaj leej twg cev tes los nrog hlub nrog plhws li kuv niam kuv txiv neb lawm. zaum no koj yuav mus so puag tes, puag taw, zaum nrog luag ua nom ua tswv kav teb kav chaw tsis nco txog lub ntiaj teb lub kua muag iab kua muag daw lawm os kuv niam. lub sij hawm peb nyob ua ke dhau los ntawd, peb cov me nyuam yuav nco ntsoov neb tus txiaj tus ntsig mus kom txog hnub kawg nawb. thov koj mus zoo fab lwm tiam saib puas muaj tiag mam rov los ua niam tub txiv tub dua. thov foom koob tseg hmoov txhua yam tseg rau koj cov tub kiv nyob tom qab, ua lub neej kom huaj vam, tau ua nom, ua tswv, muaj nyiaj muaj txiaj nyob vam ntws xws xub ntab nroo ntws xws muv nyob nyab xeeb txij no mus rov yav pem suab.

Ua tsaug. mus zoo koj peb niam tus neeg zoo, peb hlub koj.