OBITUARY

Huat Khai

January 7, 1941April 26, 2021
Play Tribute Movie

PU HUAT KHAI TAANGTHU (BIOGRAPHY) Pu. Huat Khai Tangthu Tom Tedim gam, Tuisau khua mi, Pu. Suan Thawng leh Pi. Awi Thangte’ tapa thumna hi. Tan 1-4 laibung ah kah hi. Tan 5-7 Phunom khua private school ah kah hi. Bawlung uk in zong siam a KYA bawling kidemna sungah zong kitel hi. Bawlung zong makaih zel hi. Thau le Gamvak zong uk mahmah a sa zong tampi man hi. Khutsiam zong uk a, na tampi tak bawl thei in siam mahmah hi. Tan 7 azawh ciang in a U Kham Khaw Thang in Yangon ah sam hi. Yangon a tun zawh 1959 in navy(ngalkap)na lut hi. 1973 in navy pan pensen hongciah ciang-in Laibung ohsuh(kual) Tuisau khua ah Party makai nihna kum 6 sung sem hi. Asep sung in Partyte makaihna tawh Hausa nasem hi. 1973-1981 dong Ohsuh(kual) Hausa nihna sem hi.

Hausa asep sungin: Khua sung makaih siam in khangnote tawh kithutuakin khuasung na sepna ah makaih siam mahmah hi. Tuisau khuaah lampi omlo sugnpanin lampi thak hong bawl hi. Lampi neute zong alian In bawl thuah hi.Nisuahna pan nitumna lamah lamzikpi 3 to hi. Thawlciang pa’n khua dong motor tuntheihna ding lampi zong in pi 6 zai in hong tawhpih hi.

Cidam na ding nasia takin: makaih in dumthuk daibukte kilam hi. Innnuai aa vokkhawi zong cidamna tawhkituaklo ci-in vokbuk atuam in lamding vaihawm in lamsak hi. UNDP huhna hong tun nading uliante tawh vaihawm in tangtun hi. UNDP ah huna hong ngetsakinkhuasung cidamna ding le nausuaksak dingte training(tintan) sak thei hi. Training(tintan) kahsakna hangin cidamna lam nasem(chianmagi lohta) le nausuaksak(zantaphua)te khua ah kingah a, tua kipa’n nausuakte zato zot kullo-in khuasung ah kidon thei pah hi.

Pilna lamding zong hanciam in: Sanglui zong sangthak lam nading in Syapi Ngulh Khaw Kam tawh tungsiah phulin hong hanciam in hong ngah hi.Khuami singat theihpeeuhmah sanginn ding singat sak hi. Amahmah in makaih in lettama(carpenter) 15 tawh sanginn hong lam hi. Hih sanginn ah khuasung napangte asitin lawmtakin sangkah sak hi.Ngankhawi: lamzonguk in sialkhawi aa khuapihte zong sial a khwainading hanthawn hi. A khawisa sialte tawh sihna nopna ah lungkham kul lohin kizang thei pah hi.

SUAN LE PAAK(KHAK) 1964 kum in Pi. Cin Huai tawh pumkhat hong suak a ta 10 hong nei hi. 1. Thawng Sawm Pau(si) 2. Neng Khan Thawn + Thang Khan Huai = ta 5 3. Thang Suan Mung + Huai Ngaih Lun = ta 6 4. Thang Za Cin + Ciang Khan Niang = ta 6 5. Lian Ngah Khai(si) 6. Neng Tuan Pau 7. Thang Cin Dal + Lun San Nuam = ta 2 8. Nem Khan Thang + Niang Lam Nem = ta 4 9. Nem Lam Luan (si) 10. Pau Ngai Cing (si) Mo 5, Tu 24 leh tusawn 4 mu hi.

Biakpiak Hunbawlna Add: 8701 NW Expressway, Oklahoma City, OK 73162 Huini 05/01/2021 ( sani-ni) Meel et-na ( Body view): 3:00-3:30 Biakpiak hun: 3:30- 5:30 pm Hunkem : Rev. Kam Ngin Kipat na ding la: No. 1 Hun-apna :Rev. Hang Za Tung ( Pastor ZCC, OKC) Innteek pan thupulak na: Pa Vaikhakna la: OAG Innteek thungetsak na: Rev. Pau Tul (Pastor,NLMC ) OAG pawlpi pan thupulak na: Pa Thawng Za Khan ZIUSA kipawl na te thuzaksak na: Vaikhak na la: Pimpih innkuan, USA Hanthot na: Rev.Dr. Cin Khaw Kham ( Pastor, FEMC,Tulsa) Hanpai nading la: No.2 Hanmun-Hungeelna Hunpatna ding la: No. 3 Laisiangtho simna leh leisung apna: Rev. Kam Ngi Hunman na leh thupha piak na: Rev.Dr. Cin Khaw Kham Meel-etna ( Body view) Leisung ah khiatna

Sa Ngawh te Pa. Zam Khan Tunte  huina bawng = 1 Pa. Ngin Za Nang le Pa. Thawng NGO Cin te unau si an siah $500 bawng = 1 Khai Ma Suan minthakna vok = 1 Khai Kim Langh minthakna vok = 1 Khai Min Lian minthakna vok = 1 Khai Khawm Tuang minthakna vok = 1 Khai  Vai Lian minthakna vok = 1 Pu. Kham Khaw Thang = puanlaisan 1

Lungdam kohna Ka Pa tungtang uh ah hong uap mimal, thusa te leh tanu te a kua ma peuh tung ah Lungdam mah ung.

1.VANTUNG KHUA OM DING HI 1.Vantung vanglian hehpihna gam.Misiangtho te inn ahi. Ama kiang ah om tawntung ni.Leitung na khempeuh paai ni. Leitung ni a beiciang in ah,Nungciang in innnuam ah, Misiangtho te omna lamah,Vantung khua om ding hi. 2.Tawntung innnuam vanglian gam ah,Ih lawm te tua gam om ding.Tua innnuam sung ah om dingin,Minamcin a khawm ding hi. 3. Hong gup na sipha vanglian pi,Hehpihna gamteng zeelsak, Hih galgam ah ih om lai in, Hong hehpihna thu gen in. 4. Khattang hih hang pai in gen ni, Leitung dahna kiam ding hi.Lungsim deih teng tawntung omna, kimtak in aom ding hi.

2. A GAM VANG IN 1. Tangthupha vangin I semgim in I tawl hiam aw, Aw a gam vang in ih genthei maw? Tua I thuaknate I tunung a ih tan ding toh; Phulo in simtham a hilou hi. Simlei ah ngentheih nate thuak in ihmau zong a, Aw a gamvangin ih lelliangin bangteng I taan zong; Thupi avang lian ih Topa bang a ii om ciang’in Gimna ih thuakte tungah zawhna lasa in Denciang ii leng ding . 2. Aw ih gimnate abah in tawl in aom maw Lunglel a omin anguingawp maw Muhtheih enlo-in ih pai ding hi iginna tawh Van a thil omte ihmitsuan ding 3.Gimna tampite ihthuakin vangam ih lutding Tun ah gimthuak huibang ihmau lel Aw ih ngaklah ngei Pasian tate thupi hun ding Van a aksi bang ih zem hun ding.

3.TUALAI DAHNA OM NAWN LO 1.Vantung ka ngaihsun hi. Topa Pasian omna. A kham maitang nisim mu ding. Nopna cing man ngah na. Dahna kipelh na mun.Dahna kipelh na mun.Itna ki cing vantung khamgam. Dahna kipelh na mun. 2.Vantung ka ngaih sun hi.Hongteel Topa omna.Hongit napha phatna ding la, Kisa tawntung ding hi. 3.Vantung kangaihsun hi. Vantung mihing te in,Puanpak silh in aom uh hi. Eizong ih om ding hi. 4. Vantung ka ngaih sun hi. Atungsa ih lawm te, mu a ki khen nawnlo ding a,Nuamtawntung ding hi veh.

Services

Memories and condolences

Bring comfort and tell the story of your loved one’s lifetime. Leave a memory, tell a favorite story or share a kind word or condolence.

receive updates

when friends and family add new memories

tips

for sharing memories and condolences